Blue eyes

Nei hæ. Ég var herra 10.bekkur 2000-2001, langaði til að deila því með ykkur!

Woman is the nigger of the world

Las bankþanka Dr.Gunna í fréttablaðinu í dag. Virkilega skemmtilegur pistill hjá honum og einkar forvitnilegt málefni sem hann skrifaði. Eins og svo oft áður skrifaði hann um ójöfnuð í samfélaginu og komst að skemmtilegri niðurstöðu. Ríkir og fátækir verða aldrei jafnir fyrr en þeir deyja, þá eru allir jafn dauðir. Því má því segja að dauðinn sé alveg framúrskarandi verkalýðsforingi. En víkjum þá á öðrum ómerkilegri hlutum. Horfði á síðustu Kastljósþættina um Breiðavíkumálið og greyið mennirnir sem hafa lennt í öllu þessu ofbeldi og einelti. Ég veit ekki hvort ég gæti lifað eftir svona grimmd og með svona mikið hatur í hjarta mínu. Þar sem íslenka réttarkerfið og heilbrigðis og félagsmálaráðuneytið aðhöfðust ekkert í málinu, þó svo að ráðamenn þjóðarinnar hafi vitað hvað var að gerast á Breiðuvík, þá vill ég sjá hausa fjúka og menn bornir til ábyrgðar í þessu máli. Nú ef ekkert mun gerast eða að þessir ráðamenn og starfsfólk á Breiðurvík fái einhverja hlægilega dóma eða verða skaðabótaskyldir, þá vill ég að almenningur taki málin í sínar hendur og taki þetta fólk og hreinlega hýða það opinberlega, Austurvöllur eða Ingólfstorg væru alveg kjörnir staðir í það. Svo er bara að láta hnefahöggin dynja og þess háttar. Maður verður bara svo reiður að maður gæti misst sig. 

We've got tonight

Maður er manns gaman, sjaldan er ein báran stök, svo bregðast krosstré sem önnur tré, margur verður af aurunum api, oft er í holti heyrandi nær, betri er krókur en kelda, hver er sinnar gæfu smiður, sjaldan fellur eplið langt frá eikinni, allt er gott í hófi. Svona gæti ég haldið áfram að telja, en ég kýs að gera það ekki. Er ekki skrítið að þjóðfélagið sé að verða geðveikt, mér finnst lífið vera að þjótan fram úr mér, tíminn líður alltof hratt. Mér finnst stutt í það að ég verði þrítugur, hvað þá fertugur og fimmtugur. Maður verður bara að gera sem best úr þessu, drekka sig fullan við hvert tækifæri og láta eins og asni, fara svo í syndaaflausn í Engihjallann á sunnudögum og tala um það allt sem miður fer í lífinu eins og enginn sér morgunndagurinn. Ég þrái ekkert starfsheiti, ég mundi ekki vilja vera titlaður sem bankastjóri, lögfræðingur eða kokkur. Bara sem tittlingaskítur í kompu sem á að þóknast öðrum, sérstaklega þeim sem lykta illa. Er að spá í að selja sál mína andskotanum og eignast bráðabirgða ríkidæmi, fá að eiga það og eyða öllu sem ég get í svona tíu ár og mundi ég drepast hamingjusamur, enda búinn að kaupa mér sem ég vildi og væri búinn að prófa allt sem hægt er að gera í þessu jarðneska lífi. Ekki einhverjar ítalskar partýbollur með pennepasta og súpunni frá deginum áður. Ef kona byði mér blíðu sína, yrði ég að afþakka, drottinn heyr mína bæn. Er lífið alltaf dans á rósum, meira kannski vals á túnfíflum og brenninetlum, þó svo að rósirnar komi stundum inn á milli, en þá fölna þær fljótt. Þarf ekki alltaf tvo til að dansa tangó, ég veit það ekki, þú getur rænt banka einn, eða er verið að ræða eitthvað vandamál, hverjum er ekki sama. Hví skapaði guð syndina? Við erum ekkert nema syndarar, og hann svakalega hissa núna, þú skapaðir mig, áttaðu þig á þessu sjálfur. Það þýðir ekkert að senda mig á einhverja stofnun, ég yrði bara bara fyrir andlegu og líkamlegu ofbeldi, yrði það skárra en syndin. Þið megið ekki túlka mín orð eins og ég sé genginn í söfnuðinn og sé frelsaður. Allt hefur upphaf og endi, mis fallegann og mis langan. Mitt er þitt og þitt er mitt, nema hjá sumum, mitt er mitt og þitt er mitt þegar mér hentar.

Save the last dance for me

Núna er ég alveg bandbrjálaður. Ég á að vera að finna hjá svakalega fínu fyrirtæki sem heitir Samskip. Í deildinni minni er alltaf allt bilað, færibandið sem varan fer á er búið að vera bilað síðan ég byrjaði að vinna þarna fyrir ca. átta mánuðum síðan. Lyftarinn sem ég vinn á er krónískur heilageldingur, lekur glussi úr honum, pinnarnir til að lyfta göfflunum og húsinu upp eru algjörlega í fáránlegu ástandi. Þetta fær mig til að gera mig brjálaðan, svo er alltaf verið að gera við þetta, svo þegar er búið að gera við þetta þá bilar eitthvað annað og annað og annað. Og það er ekki nóg að það sé alltaf allt bilað, þá eru launin ekkert til að hrópa húrra fyrir, maður er á dagvinnukaupi frá 8-16, tímakaupið er rúmlega 780 kr á tímann og yfirvinnan þá rúmar 1390kr. Maður er stundum að vinna til níu- tíu á kvöldin og eina sem bjargar þessu starfi fyrir mann að það er yfirvinna, sem getur hækkað aðeins launin. En á maður að þurfa að vinna mikla yfirvinnu til þess að fá mannsæmandi laun, má fólk ekki lifa eðlilegu lífi og þurfa ekki að helga lífi sínu vinnunni að stærstumm hluta. Þegar ráðamenn þjóðarinnar eru að ljúga að fólkinu í landinu, að allir hafi það svo gott, og að lægstu launin hafi hækkað, þá er það mesta vitleysa sem ég hef heyrt. Þeir reikna þessi meðallaun, með yfirvinnukaupi. Þannig að það er ekki skrítið að þessi meðallaun hafi hækkað, það á auðvita ekki að reikna út dagvinnukaup fólks með yfirvinnu, því að yfirvinna er betur þekkt sem aukavinna. Svo heldur þessi fíni og flotti eigandi Samskipa ægilega flotta afmælisveislu, sem kostaði á milli 150-200 milljónir og gefur svo 1000 milljónir í sjóð til hjálpar bágstöddum í Afríku. Væri þessum manni ekki nær að líta aðeins yfir öxlina og horfa á starfsfólkið í fyrirtækinu hjá sér og hækka launin hjá þeim. Það er gjörsamlega verið að hjakkast í rassgatinu á mér í þessum efnum og hér með segi ég: Stopp nú stýrimann. Farið til andskotans....

Love hurts

Ef ein DVD mynd er seld á 600kr og svo er sagt að það sé sérstakt tilboð á myndum, 3 myndir á 1800kr, þá er verið að svindla svolítið á manni. En gefum okkur það að myndin kostaði bara 500kr og svo væri tilboðef þú keyptir 3 myndir á 1500 þá værum við að tala um allt annað dæmi. Þetta er svolítið spurning um þa'ð að vita hvað Xið er og halda í ákveðin prinsipp. Einn merkur maður sagði að það þyrftu allir að finna sér ákveðinn botn í lífinu og fara að leita sér að nýju terratory. Sumum finnst kannski kay að vera gay, en þeir sem eru það ekki.. Þeir segja ekki, ó hvað er ég gagnkynhneigður, afhverju er ekki opnaður svona straight klúbbur, það væri eitthvað nýtt, þar gæti maður dáðst af því hvað maður værir gagnkynhneigður.

These are the days of our lives

Ótrúlegt hvað fólk getur gert mikil vandamál úr hlutunum, hlutum sem skipta engumáli, en engu að síður þarf að gera eitthvað drama úr því. Ég þoli bara ekki fólk sem þrífst á drama og veseni og finnst það beinlínis vera fætt til að tuða og rífast. Hefur fólk ekkert annað að gera heldur en að spá í hvað aðrir eru að gera, fólki kemur bara ekkert við hvað aðrir gera, svo framarlega að það sé ekki verið að brjóta af sér.

 

P.S. Ég á kærasta og hann er tónlistarmaður 

Oh darling

Fór á þorrablótið í gær og það var alveg rosalega gaman. Fínt að skemmta sér með góður fólki. Allir helstu þungavigtarmenn Bolungarvíkur voru mættir, enda er það engin leið að telja þá alla upp. En ég bauð Siggu Kára í dans, ég hlýt að fá kredit fyrir það. Svo var laumað símanúmeri til mín á dansgólfinu, það er ákveðin lífsreynsla útaf fyrir sig. Nú það var drukkið bjór, og bibbinn minn komst til umræðu og einning getgátur um kynhneigð mína. Hafrót spilaði fyrir dansi og sú hljómsveit er sú heitasta í dag. Bið að heilsa...

Allskyns hugmyndir um framtíðina og hið ljúfa líf

Núna er ég á tuttugastaogöðru aldurs ári, hef ekki lokið stúdentsprófi en hef að sjálfsögðu klárað leiksskóla og grunnskóla. Mér finnst skóli lífsins vera meira en nóg fyrir mig, ég hyggst ekki í nánustu framtíð að leggja það á mig að læra eitthvað að viti. Ég tek aðeins einn dag fyrir í einu, nenni ekki að spá of mikið í því hvað gæti gerst og hvað hefði getað gerst. Að stofna fjölskyldu og eignast börn og þess háttar er ekkert sem ég þrái akkurat núna, þess vegna hugsa ég ekkert um það. Ef það gerist þá gerist það. Ég vill vera frjáls eins og fuglinn, fara mínar eiginleiðir í lífinu og gera það sem ég vill, svo framarlega að ég geri engum illt eða særi neinn. Fólk hefur endalausar áhyggjur af einhverju sem skiptir engu máli, einhverjum hlutum sem mig varðar ekkert um að vita og langar ekkert til að vera að velta mér upp úr. Ég vill vera vinur vina minna, vill geta umgengist þá eins mikið og ég get, áður en þeir fara að stofna fjölskyldu, því þá breytist forgangsröðunin á öllu. Tala nú ekki um ef vinir manns eignast konur sem ég mundi ekki þola, þá væri ekki gaman að heimsækja þá, bara útaf því að maður þolir ekki eiginkonur þeirra, það væri frekar pirrandi. Það má nú samt segja að ég pæli í þessu upp að ákveðnu marki. En svona er lífið magnað, sofa, borða, kynlíf, konur, börn, hús, bíll, tölva, sjónvarp, bjór, brennivín og allt saman er þetta það sem heldur í manni lífinu.

Sjá dagar koma

Ég gekk þennan veg til þín,

þá birtist mér þessi sýn,

þar stóð ein kona, fögur og fín,

var hún að bíða mín.

 

Ég horfði hana á,

augu hennar voru blá,

ég vildi hana fá og hjarta hennar ná,

fullur af ástarþrá.

 

 

Saman í blíðu og stríðu

Ég kátur stunda kvennafar og kann að súpa úr glasi. Núna er kominn mín fjórða eða fimmta tilraun til að reyna að blogga. Ég meina það er ekkert sem bendir til þess að ég nenni því, menn verða bara að gretta sig, það þýðir ekkert liggja bara eins og rotaður selur, því maður er manns gaman. I see you when you get there! Hann Biggi minn er að þrýsta á mig að blogga, ég legg það ekki í vana minn að hlusta á eitt einasta orð sem kemur út úr hans munni, enda er hann ekkert nema kjafturinn. Það er nefnilega vandamálið með hann Bigga, að hann spilar sig rosalega stórt. T.d. þegar að hann segir að eitthvað lag sé lélegt eða einhver bíómynd sé ekki góð, þá er það bara útaf því að hann samdi ekki lagið eða myndina. Jóhannes Geir hins vegar er búinn að tapa stríðinu við lufsurnar á höfðinu á sér og snoðaði sig í gær frekar en í fyrradag. Enda er hann orðinn eins og Ómar Ragnarsson. Ég ætla svo að kíkja á þorrablót Bolvíkingafélagssins á laugardaginn 3. febrúar og blanda geði við gesti og gangandi. Kannski verð ég kynþokkafullur, kannski verð ég blindfullur og ógeðslegur, en eitt er víst, ég er alltaf skemmtilegur og aðlaðandi. En það má segja að Snævar sé ekki eins og fólk er flest, þó að geisli af honum kynþokkinn, þá vantar herslumuninn finnst mér. Ég er líka einhleypur, þótt að þið hafið heyrt sögur af því að ég ætti kærustu, þá eru þær fullyrðingar ekki sannar og legg ég til að frv. verði að lokinni umræðunni vísað til 2. umræðu og hæstvirtrar allherjarnefndar.