Sukk og svínarí

21.8.2007 | 23:23

Sæl, Sigurvin heiti ég. Þetta líf það er rusl. Lífið er frekar ömurlegt þessa dagana. Sumt fær mann hreinlega bara til að gráta sig í svefn. Maður hugsar alltof mikið um hluti sem skipta engu máli, maður reynir að hugsa ekki um þá, en það er eins og þeir poppi alltaf upp aftur. Mér finnst leiðinlegt að skulda peninga, því ég skulda svolítið mikið, ekkert stjarnfræðilegt, en alveg nóg til þess að ég missi stundum móðinn og finnist allt ömurlegt. Ég er ekki svo heppinn að geta búið í fríu húsnæði, ég þarf að borga leigu. Það fer bara 115.00 kr af laununum mínum á mánuði í ýmislega reikninga, þ.e. t.d. leiga, bíllinn, tryggingarnar af bílnum, lán sem ég tók í bankanum til að borga yfirdráttarheimildina og annan varning. Svo er ég kominn í 190.000 kr. skuld af annari yfirdráttarheimild og ég veit hreinlega ekki hvað ég á að gera. Að fá yfirdráttarheimild er bara fíkn, þetta er bara eins og að vera spilafíkill, maður þarf ekki að gera neitt, bara hringja í bankann og þá er kominn peningur á kortið. Allt þetta gerir mann taugaveiklaðan og sumt af þessum skuldum er bara eyðsla í ekki neitt. Svo er maður í vinnu sem er ekkert alltof vel borguð, sem er náttúrulega skiljanlegt því þetta er bara verkamannastarf, maður verður bara að sætta sig við það að vera verkamaður þangað til að maður hunskast í skóla til þess að læra. Mig langar alveg svolítið í skóla, en ég get bara ekki hugsað mér það á meðan ég skulda svona mikið. Það er nær ómögulegt. Svo er líka það að mig langar ekkert að fara í skóla strax því mig langar ekki að læra neitt eins og stendur og ég vill ekki fara í skóla með hálfum hug. Það er bara svo erfitt að reyna að borga niður skuldir á meðan maður vill bara skemmta sér og njóta lífsins með vinum og vandamönnum, en það verður bara að fórna því til þess að borga skuldirnar svo maður verði nú ekki hreinlega gjaldþrota.

Flokkur: Bloggar | Facebook