reg4r

Ég hef ákveðið að gerast týpa, ekki mjög týpísk týpa en týpa engu að síður. Langar bara að vera týpan ég, því þá getur enginn orðið eins týpa og ég, kannski svipuð en ekki eins. Veit svo sem ekki hvaða týpu fólk vill sjá í mér, glaðann, daprann, skemmtilegan eða sorgmæddan. Það er lægð yfir landinu, það er alveg á hreinu.
 
Ég held með Newcastle United í enskaboltanum, hef haldið með þeim í rúm 10 ár. Byrjaði að halda með þeim þegar þeir höfðu 12 stiga forystuna frægu á Man Utd hérna um árið og misstu forskotið svo niður og lentu svo í öðru sæti. Fremstir í flokki fóru Alan Shearer og Les Ferdinand, svakalegt framherjapar og maður undrar sig á því, því þeir eru báðir enskir. Það þekkist varla í dag að lið tefli fram tveimur framherjum saman frá Englandi. Newcastle hefur svo sem ekki gert neina rósir síðan ég byrjaði að halda með þeim, hafa komist nokkrum sinnum í Meistaradeildina og Evrópukeppnina, einu sinni í úrslitin í bikarnum og unnið einhvern Intertoto bikar, sem er bara crap. Reyndar hefur Newcastle unnið nokkra sæta sigra á síðustu árum, þeir hafa tekið Man Utd í rassgatið, Chelsea og unnið líka Barcelona á Nou Camp í mjög dramatískum leik, þar sem meðalaldur Newcastle liðsins hefur verið svona 35 ár, því þá voru að spila Stuart Pearce, Ian Rush, John Barnes og fleiri stórnöfn.